യാത്രകളിൽ..

നമ്മളിൽ ഒരുപാടു സ്വപ്നങ്ങൾ പെയ്തു തോർന്നിരിക്കണം, നമ്മളങ്ങിനെയാണ്  ഓർമ്മകളായത്.(inspired)

*****

ഓരോ വേരിനുമുണ്ടാകും, പൂക്കൾക്കറിയാത്ത ഒരുപാടു നൊമ്പരങ്ങൾ.

*****

വഴികളുണ്ടാക്കുന്ന തിരക്കിനിടയിൽ പോകേണ്ടയിടം മറന്നു പോയവർ (നമ്മൾ?)

****

എന്നുള്ളിലേക്കു ഒറ്റക്കു ഞാൻ പോയ യാത്രകൾ പലപ്പോഴും വഴിയറിയാതെ ലക്ഷ്യത്തിലെത്തുകയിയിരുന്നു.

****
ലക്ഷ്യത്തേക്കാൾ വഴികളുടെ വിളിയാവണം യാത്രകൾ.

***
ഇരുൾ ഓരോ കടവിലും, കവിതയിൽ വാക്കുകൾക്കിടയിൽ എന്നപോലെ പൊരുൾ തേടിയലയുന്നു.

****

നിന്നെ കെട്ടിയട്ട കുരുക്കിലറിയാതെ ഞാൻ പെട്ടു പോയതാണ്, എന്റെ യാത്രക്കിടയിൽ.


****
നമുക്കിടയിലുള്ള അതേ വഴിയാണു നമുക്കിടയിൽ അകലവും അടുപ്പവും ഉണ്ടാക്കുന്നത്.

*****

ഓരോ തുള്ളിയും ഓരോ യാത്രയിലാണ്, മഴയായാലും പുഴയായാലും, നിണമായാലും

****
ഓരോ സ്വപ്നവും പട്ടം പോലെയാണ്, നമ്മിലേക്ക് ചെറിയ ഇഴ താഴ്ത്തി ആകാശത്ത് അലഞ്ഞു നടക്കും.

****

 വിശപ്പില്ലാത്തപ്പോൾ, വയറു നിറയെ പ്രശ്നങ്ങളാണ്.

****
There are precious moments we miss,  we lock them in memories, coz we know that we couldn't live em, so does people.

****

ഒരു രാത്രിയുടെ ഇരു പുറങ്ങളിലെ പകലുകളാണു നമ്മൾ,അജ്ഞതയുടെ ഇരുളിനാൽ ബന്ധിക്കപ്പെട്ട വെളിച്ചങ്ങൾ

***
ആ ഒരു തിരയിൽ നിൻറെ പേരെഴുതി വെച്ചതിനാണ്, ബാക്കി തിരകൾ തലതല്ലിക്കരയുന്നത്.

***
തൂലിക തുമ്പിൽ വിരിഞ്ഞ പൂക്കൾ കൊഴിഞ്ഞതും അവിടെത്തന്നെ.

***

മുന്നോട്ടും പിന്നോട്ടും തിരിഞ്ഞിരിക്കുന്ന സീറ്റുകൾ ട്രയിനിലുണ്ട്. നമ്മൾ പിന്നോട്ടു തിരിഞ്ഞിരുന്നാലും അതു നമ്മെ മുന്നോട്ട് തന്നെ കൊണ്ടുപോകും. കാലവും അങ്ങിനെ തന്നെ.(കട)

***

 ഇടവേളയിൽ .. idavelayil .....
ഒരൽപനിമിഷം.