അപരാജിത

അപരാജിത, ആർക്കും തോല്പിക്കാനാകാത്തവൾ.
അവൾക്കു സ്വയം തോൽക്കാൻ ഇഷ്ടമായിരുന്നു,
സ്നേഹത്തിനു മുന്നിൽ.

 ഇടവേളയിൽ .. idavelayil .....
ഒരൽപനിമിഷം.

ഭ്രാന്തൻ ചിന്തകൾ.(പ്രണയം )

ആത്മാവു പണയം വച്ചിട്ടു ഒരു യാത്ര പോകണം.

നാളെയൊരു ഓസ്യത്ത് എഴുതാൻ ഒന്നും ബാക്കിയുണ്ടാവരുത്.
***

എല്ലാരേം ഓടിനടന്നു ക്ഷണിക്കുന്ന കൂട്ടത്തിൽ എന്നേം ക്ഷണിച്ചു...
"എന്റെ കല്ല്യാണക്കുറി"

***


പ്രണയത്തിന്റെ വടക്കു കിഴക്കൻ ആകാശത്തു വന്നുദിക്കുന്ന നക്ഷത്രമാകണം.
"മരണശേഷം"

***

വായിച്ചതും പഠിച്ചതുമായ എല്ലാ പുസ്തകങ്ങളിലും പ്രണയമായിരുന്നു...
ഒടുവിൽ സ്വന്തം പ്രണയം തേടി കണ്ടുപിടിച്ചപ്പോൾ എല്ലാരും വിളിച്ചു
"വിവരദോഷി"
***

അകലങ്ങളിൽ നിന്നടുത്തുവന്നു ഒന്നായി, പിന്നെ അകന്നകന്നു പോകണം,
വീണ്ടുമൊന്നിക്കാൻ, വാക്കു പറയാതെ, രാത്രിയും പകലും പോലെ.
"എന്നും!"
***
ഹൃദയത്തിലിപ്പോൾ പൂ കൊഴിഞ്ഞ തണ്ടുകളിൽ
വ്രണങ്ങളാണ്..
അതിൽ പഴുത്തൊലിക്കുന്നതും ഞാൻ മാത്രമാണ്. (നീ?)

***
അനുരാഗമായിരുന്നു അടങ്ങാത്ത അനുരാഗം
അറിവിനോടും അറിഞ്ഞതിനോടും
കണ്ടറിഞ്ഞപ്പോൾ നിന്നോടും.

***
ഉണർവിന്റെ സംഗീതമാണ്
പക്ഷെ ആത്മാവ് നിന്നിൽ അലിഞ്ഞു ചേർന്ന് ഉറങ്ങുകയായിരുന്നു
ഞാൻ പ്രണയിക്കുകയായിരുന്നു
ആദ്യമായി
***

നാം തമ്മിൽ ചേർന്നിട്ടും പൂർണമാകാത്ത
പ്രണയത്തിന്റെ ആർത്തി തീർന്നതു വിരഹം കൊണ്ടാണ് .

ഓണപ്പാട്ട്

ആവണി പൊന്നോണമായി, പൂവിറുക്കാൻ കാലമായി,
കൂട്ടിനു നീ പൂത്തുമ്പീ ചാരെ വരാമോ,
കൂടെ നൂറു തുന്പമലർ കൊണ്ടു വരാമോ..

തെയ് തകതെയ്  തെയ് തകതെയ് തെയ് തകതെയ് തെയ്  തെയ് (2 )


ഊയലാടാൻ കൂട്ടരൊത്തു മാവിലൊരൂഞ്ഞാലുകെട്ടാം,
ഓല മയിൽ പീലി ചാർത്തി ആർപ്പുവിളിക്കാം.
പൂത്തനൊരു കോടി ചൂറ്റി പുലിയിറങ്ങും കാവിലെത്താം
പാണ്ടി പഞ്ചാരി മേളത്തിന്നു താളമടിക്കാം
ആഴിമാരോടൊത്തു ചേർന്നൊരോണപ്പാട്ടും പാടി ക്കൊണ്ടു
ഓണവില്ലും കൊണ്ടു, കേളി ആയിരമാടാം
തെയ് തകതെയ്  തെയ് തകതെയ് തെയ് തകതെയ് തെയ്  തെയ് (2 )


ആവണി പൊന്നോണമായി, പൂവിറുക്കാൻ കാലമായി,
കൂട്ടിനു നീ പൂത്തുമ്പീ ചാരെ വരാമോ,
കൂടെ നൂറു തുന്പമലർ കൊണ്ടു വരാമോ..

തെയ് തകതെയ്  തെയ് തകതെയ് തെയ് തകതെയ് തെയ്  തെയ് (2 )




tbc

 ഇടവേളയിൽ .. idavelayil .....
ഒരൽപനിമിഷം.