മറവി

യാത്രയയച്ചു കാണാമറയത്തു   അകലും വരെ,
അല്ലെങ്കിൽ ചിത കത്തി അണയും വരെ,
പിന്നെ പതിയെ പണ്ട് പറഞ്ഞ വാക്കുകൾ മങ്ങും
നീ യില്ലാതെ ഞാനില്ല, നിന്നിൽ ഞാൻ അലിഞ്ഞു പോയി....

നല്ലതാണ്,  എന്നും കരയെണ്ടല്ലോ.  ഒരു ചെറിയ നീറ്റലായി ഓരോ മുറിവും മറയും
മറവി ഒരു അനുഗ്രഹം.

ചീത്തയാണ്‌,  മനസ്സിന്റെ സ്വാർത്ഥത കണ്ടെത്തിയ ഒരു ഒഴിവുകഴിവ്..ഒരു ഒളിച്ചോട്ടം
മറവി ഒരു ഭീരുവാണ്,

നിശീഥിനി

നിറവിന്റെ പകൽ  വിരിഞ്ഞു കൊഴിഞ്ഞു തീർന്ന രാത്രി,
ഒരു മഴച്ചാറ്റിലിൽ ചോർന്നൊലിക്കുന്ന നിലാവിന്റെ രാത്രി..
മുല്ലപ്പൂ മണം കവർന്നെടുത്ത മഴ വിളിക്കാതിരുന്നിട്ടും
ഇലകൾ നിന്ന് പെയ്ത പ്രണയാതുരമായ രാത്രി

കറുത്തിരുണ്ട രാത്രിക്കും എത്ര നിറങ്ങളാണ്
എത്ര ഭാവങ്ങളാണ്

അറിയാത്ത ഭാവിയിലെക്കുറ്റു നോക്കുംമ്പോൾ പലപ്പോഴും
രാത്രിയെ  കാണാറില്ല പകലിന്റെ വെളിച്ചത്തിനു മങ്ങിയ രാത്രികൾ
ഒളിച്ചിരിക്കുകയാണ് പതിവ്.

രാത്രിയുടെ ക്യാൻവാസിലാണ് കിനാക്കളുടെ പൊലിമ നിറഞ്ഞു നിന്നത്‌


ഹൃദയത്തിനുള്ളിലെ നീരുറവ പോലെ
ആരും കാണാതെ ഒളിച്ചിരിക്കുന്ന രാത്രിയുടെ ആത്മാവിനെ
കുടമുല്ല പൂക്കളെങ്കിലും തിരിച്ചറിയുന്നുണ്ടല്ലോ

ഒരായിരം കല്യാണ സൌഗന്ധികങ്ങളെ തോല്പ്പിക്കുമാറ്
ഓരോ രാത്രിയും ഉയിർതെനീക്കുന്പോൾ  പകലിനെക്കാൾ ഏറെ
നമ്മൾ കാത്തിരുന്നതും ഈ രാത്ര്ക്ക് വേണ്ടി യല്ലേ

പടി വാതിൽക്കൽ നില്ക്കുന്ന ഉറക്കത്തേയും നോക്കിക്കൊണ്ടു
കെട്ടിപ്പിടിച്ചു കിടന്നതും ഈ രാത്രിയെ തന്നെ..

നീല നിശീഥിനീ നീ ഒരു അത്ഭുതമാണ്
ഇരുളുന്തോരും അഴകേറുന്ന അത്ഭുതം

ലോകം സുന്ദരമാക്കുന്നവർ

ഹോളി , ഹാപ്പി ഹോളി ....


ഇന്ത്യ കിക്കെറ്റ് ജയിച്ചതിനൊപ്പം ഒരുപാടു നിറങ്ങളും ചേർത്ത ഹോളി, ചുറ്റും നിറങ്ങളുടെ പുകയും, തെരുവുകളിൽ പുലർച്ചെ (എന്റെ നേരം ഇന്നുംപത്തു മണിക്കാണ് വെളുത്തത്) നിറങ്ങൾ വാരി എറിഞ്ഞ പാടുകളും പ്രതീക്ഷിച്ചാണ് ഞാൻ പുറത്തിറങ്ങിയത്, ആദ്യം കണ്ടത് പക്ഷെ കറുത്ത നിറത്തിൽ പൊതിഞ്ഞു നിൽക്കുന്ന ചില മനുഷ്യരെ ആണ്, വഴിയരികിലെ കനാൽ വൃത്തിയാക്കാൻ വന്നവരായിരുന്നു.

ദേഹം മുഴുവൻ കറുത്ത അഴുക്കിൽ പൊതിഞ്ഞു വൃത്തിയാക്കുന്നവർ.

പണ്ടു ഫേസ് ബുക്കിൽ വായിച്ചതാണ് വൃത്തിയാക്കുന്നവരെ കാണാൻ ഒരു വൃത്തീം ഉണ്ടാവില്ല എന്നു, അബ്ബാസിനെ കാണാൻ നല്ല വൃത്തിയാണല്ലോ എന്നാ കമെന്റും ഉണ്ടായിരുന്നു, പക്ഷെ ജീവിതത്തിൽ ആ കമെന്റിനു ഒരു പ്രസക്തിയും ഇല്ലല്ലോ,

അന്ന്യന്റെ അഴുക്കു മാറ്റാൻ സ്വയം അഴുക്കാകുന്നവർ, മൂക്ക് പൊത്തിക്കൊണ്ട് നമ്മൾ നോക്കുന്പോൾ അഴുക്കില്ലാത്ത ചിരി തരുന്നവർ, വിദ്യാഭ്യാസം ഉള്ളവൻ വലിച്ചെറിയുന്ന മാലിന്യം എടുത്തു കുപ്പ നിറക്കുന്ന പള്ളിക്കൂടം പടി കാണാത്തവർ. 

നമുക്കിടയിൽ ഒട്ടും ശ്രദ്ധ കിട്ടാതെ അവർ എന്നുമുണ്ടായിരുന്നു.


അവർക്കുള്ളതാവട്ടെ ഈ ഹോളി, വൃത്തികേടാക്കുന്ന നമുക്ക് വേണ്ടി വൃത്തികേടാവുന്നവർക്ക് . ലോകം സുന്ദരമാക്കുന്നവർക്ക്